| Idè |
Medisinsk nødmeldeteneste nyttar i dag AMIS
som oppdragshandteringssystem. Systemet har utvikla seg over
tid og ulike modular og integrasjonar har blitt lagt til.
Kva krav helsetenesta stiller til oppdragshandteringssystem
er til ei kvar tid ei aktuell problemstilling, og KoKom
ønskjer å systematisere kva funksjonelle behov tenesta har.
|
| Prosjektmål |
I dette prosjektet ønskjer vi å
systematisere kva funksjonelle behov tenesta har.
|
| Formål |
Å samle funksjonelle krav i helsetenesta til eit
oppdragshandteringssystem og gjere desse tilgjengelege.
Etablere ei referanseplattform for produkt som vert utvikla,
eller som vert tilbydde til bruk som
oppdragshandteringssystem i nødmeldetenesta.
|
| Bakgrunn |
AMIS kom i stand som eit lokalt initiativ i Vestfod,
og fekk etter kvart innpass nasjonalt.
AMIS har vore nytta av medisinske kommunikasjonssentralar
som dokumentasjon av hendingar. Løysinga hadde i
utgangspunktet nokre enkle brukarkrav og vidare utvikling
vart vedtekne i samarbeid med brukargrupper i ulike fora.
Løysinga er integrert mot kartløysinga Transmed frå
Locus.
Dagens løysingar har forbetringspotensial på fleire område. Ved å etablere ein
brukarkravspesifikasjon, blir det enklare for levarandørar å
utvikle produkt i tråd med behova i tenesta, ein fastsett
funksjonell spesifikasjon gjer det også mogleg for andre
leverandørar å utvikle/tilpasse eigne applikasjonar til bruk
i medisinsk nødmeldeteneste.
Det er også vesentleg at desse har eit felles
sett av krav til t.d. datafangst og grensesnitt mot andre
system.
|
| Oppdragsutførar |
Prosjektet vil bli utført ved
KoKom i samarbeid med tenesta.
|
|
Oppdragsgjevar |
Prosjektet blir finansiert via
Helsedirektoratet.
|
| Evaluering |
Prosjektet skal evaluerast som ein del av
prosjektavslutninga. Evalueringa er intern.
Spesifikasjonen blir tilgjengeleg som dokument og i
databaseformat.
|
| Kontaktperson |
Tor Helland |
| |
Ordforklaringar
AMIS: Akutt-Medisinsk Informasjonssystem.
Transmed: TransMed er eit
informasjonssystem for oppdragshandtering og flåtestyring
som vert nytta i AMK-sentralar.
Locus: Firma som leverer produkt og
tenester til transportnæringa, nødetatar, vakt-, verdi- og
assistanseselskap. Nettstad: www.locus.no
|
